Ինքնօգնության պրոտոկոլ (Հայերեն)

Խնդիրը․ կորոնավիրուսի մասին մտածելը, ինչպես նաև դրա հետևանքների մասին խորհելն անընդմեջ բնական երևույթ է։ Սակայն, որպեսզի կանխեք դրանց ֆիքսացիոն բնույթը, ցանկալի է սովորել դրանք կառավարել։

Նպատակը․ դա իրագործելու համար սկսեք Ձեր տեսակետը փոփոխելուց։ Օրինակ՝ պատկերացրեք, որ Դուք այլ անձ եք - բժիշկ, ով պետք է բուժի հիվանդին, քաղաքական գործից, ով պետք է որոշի ինչ անել տվյալ իրավիճակում, բուժքույր, ով պետք է լինի պացիենտի կողքին՝ կյանքի վերջին րոպեների ընթացքում և փորձեք կիսվել, գրել Ձեր զգացողությունները և արարքները՝ թե ինչ կանեիք այդ պարագայում։ Հետո գրեք՝ ինչպես կարող եք դուրս հանել զայրույթը, անօգնականության զգացողությունները և այլ հուզական բարդ վիճակները, որոնք կարող են ի հայտ գալ այս իրավիճակներում։

Սոցիալական փորձ․ ցանկության դեպքում կարող եք քննարկել Ձեր զգացողությունները զուգընկերոջ հետ և համեմատել դրանք նրա հետ՝ տարբերություններն ու նմանությունները հասկանալու համար։

Խնդիրը․ Տեղավայրերի պակասը թուլացնում է մեր ինքնակենսագրական հիշողությունը՝ հանգեցնելով հիշելու միանման օրերը, և ստիպում է մեզ կորցնել հիշողությունը՝ ով ենք մենք և ինչ ենք ուզում։

Նպատակը․ Վերջինս արթնացնելու համար գրեք չորս պահեր և/կամ իրադարձություններ Ձեր կյանքից, որոնք օգնել են Ձեզ լինել այն, ինչ կաք հիմա և կորոնավիրուսի ճգնաժամի այն պահը, որ հատկապես տպավորվել է Ձեզ մոտ։ Յուրաքանչյուրի համար քննարկեք երկու հարց․ ինչու՞ են դրանք կարևոր և ի՞նչ հույզեր են դրանք առաջացնում ինձ մոտ, և ե՞րբ եմ ես ապրել նմանատիպ զգացողություններ։

Սոցիալական փորձ․ ցանկության դեպքում կարող եք քննարկել և համեմատել դրանք Ձեր զուգընկերոջ հետ՝ նմանություններն ու տարբերությունները հասկանալու համար։

Խնդիրը․ Կորոնավիրուսի համավարակով պայմանավորված տագնապայնության շարունակական զգացողությունը կարող է խափանել մեր առօրյա գործունեությունը՝ բերելով նպատակների և ձգտումների կորստի։

Նպատակը․ Դրանք արթնացնելու նպատակով գրեք երեք հստակ նպատակ և երկու երազանք/ձգտում, որ Դուք կցանկանաք հասնել կարանտինից հետո։ Յուրաքանչյուրի համար քննարկեք այս երկու հարցերը՝ ինչու են դրանք կարևոր և ի՞նչը չի բավականացնում դրանց հասնելու համար և ի՞նչ կարող եք անել հիմա։

Սոցիալական փորձ․ ցանկության դեպքում կարող եք քննարկել և համեմատել արդյունքերը Ձեր զուգընկերոջ հետ՝ տարբերություններն ու նմանությունները հասկանալու համար։

Խնդիրը․ կորոնավիրուսի համավարակը, կամա թե ակամա, ստիպում է մեզ փոփոխել և կառավարել նոր իրավիճակներ, ինչպիսիք են՝ կարանտինը, մոտ համակեցությունը երեխաների և կողակցի հետ, շփումների պակասը և այլն։

Նպատակը․ Դուք կարող եք օգտագործել այս ժամանակահատվածը կյանքը բարելավելու նպատակով։ Սկսեք գրի առնել ձեր կյանքի երեք ասպեկտները, որոնք չեն գոհացնում։ Այնուհետև՝ առաջին սյունակում նկարագրեք հնարավոր լուծումները՝ նշելով դրանք՝ ըստ հաջողության և հնարավորության հավանականության հաջորդականության։ Երկրորդ սյունակում դուրս բերեք հնարավոր խնդիրները և դրանց ունեցած ազդեցությունը։ Եվ երրորդ սյունակում առանձնացրեք գործիքները և ինֆորմացիան, որոնք բացակայում են, բայց կարող են օգնել գտնել հնարավոր լուծումներ։

Սոցիալական փորձ․ վերջապես վերացրեք խնդիրներ պարունակող սյունակը և օգտագործեք մյուս երկուսը։ Դա կօգնի նախագծել մարտավարություններ, որոնք ավելի կմոտեցնեն Ձեզ խնդիրների լուծմանը, իսկ ցանկության դեպքում՝ նաև Ձեր զուգընկերոջ աջակցությամբ։