സ്വയം സഹായ പ്രോട്ടോക്കോളിന്റെ മലയാള പതിപ്പ്

പ്രശ്‌നം: കൊറോണ വൈറസിനെക്കുറിച്ചും അതിന്റെ അനന്തരഫലങ്ങളെക്കുറിച്ചും ചിന്തിക്കുന്നത് തീർത്തും സ്വാഭാവികമാണ്. എന്നിരുന്നാലും, ഈ ചിന്തകൾ അതിരു കടക്കാതിരിക്കാൻ, അവയെ നിയന്ത്രിക്കാൻ നാം പഠിക്കേണ്ടതുണ്ട്. 

ലക്ഷ്യം: ഇതിനായി നിങ്ങളുടെ കാഴ്ചപ്പാട് മാറ്റിക്കൊണ്ട് ആരംഭിക്കാം. ഉദാഹരണത്തിന്, നിങ്ങൾ മറ്റൊരാളാണെന്ന് സങ്കല്പിക്കാം  - ഒരു രോഗിയെ ചികിത്സിക്കേണ്ട ഒരു ഡോക്ടർ, വലിയ തീരുമാനങ്ങളെടുക്കാൻ പ്രയാസപ്പെടുന്ന  ഒരു രാഷ്ട്രീയക്കാരൻ, ജീവിതത്തിന്റെ അവസാന നിമിഷങ്ങളിൽ രോഗിയെ പിന്തുണയ്ക്കേണ്ട ഒരു നഴ്സ് - ഈ അവസങ്ങളിൽ നിങ്ങളുടെ മാനസികാവസ്ഥയെ സംബന്ധിച്ചും നിങ്ങൾ എന്ത് ചെയ്യുമെന്നുള്ളതും വിശദമായി എഴുതാം. ഇത്തരം സന്ദർഭങ്ങളുണ്ടാക്കിയേക്കാവുന്ന ദുഷിച്ച ചിന്തകളെയും വികാരങ്ങളെയും എങ്ങനെ അഭിമുഖീകരിക്കാമെന്നതും വിവരിക്കാൻ ശ്രമിക്കാം. 

സാമൂഹ്യാനുഭവം: സാധിക്കുമെങ്കിൽ, നിങ്ങളുടെ വിവരണങ്ങൾ നിങ്ങളുടെ പങ്കാളിയുമായി പങ്കുവെക്കുക. സാമ്യതകളും വ്യത്യാസങ്ങളും ചർച്ച ചെയ്യാം.

പ്രശ്‌നം: സ്ഥലങ്ങളുടെ സ്ഥിരത നമ്മുടെ ഓർമ്മയെ ദുർബലപ്പെടുത്തുന്നു. ഇത് ദിവസങ്ങളെ യാന്ത്രികമായതും മുഷിപ്പിക്കുന്നതായതുമായ് കാണാൻ നമ്മെ പ്രേരിപ്പിക്കുന്നു- നാം ആരാണെന്നും നമ്മുടെ സ്വപ്നങ്ങളെന്താണെന്നുമുള്ള ഓർമ്മകൾ നഷ്ടപ്പെടാൻ ഇത് വഴി ഇടയാകുന്നു.

ലക്ഷ്യം: നിങ്ങലെ നിങ്ങളാകാൻ സഹായിച്ച നാല് ഓർമകളും, നിങ്ങലെ ഏറ്റവും കൂടുതൽ ബാധിച്ച, കൊറോണ വൈറസുമായി ബന്ധപ്പെട്ട ഒരോർമ്മയും കുറിച്ച് വെക്കുക. ഇവയിൽ ഓരോന്നിനെ സംബന്ധിച്ചും ഇനിപ്പറയുന്ന പോയിന്റുകൾ അടിസ്ഥാനപ്പെടുത്തി ചർച്ച ചെയ്യുക: ഇവ എന്ത് കൊണ്ട് പ്രധാനപ്പെട്ടതാണ്? ഇവ എന്നിലുണ്ടാക്കിയ വൈകാരികമായ മാറ്റങ്ങൾ എന്തൊക്കെയാണ്? ഇത്തരത്തിലുള്ള വികാരങ്ങളെ ഞാൻ മറ്റേത് സന്ദർഭങ്ങളിലാണ് അഭിമുഖീകരിച്ചിട്ടുള്ളത്?

സാമൂഹ്യാനുഭവം: നിങ്ങളുടെ പങ്കാളിയുമായി ഇവ ചർച്ച ചെയ്യാം. നിങ്ങൾക്കിടയിലുള്ള സാമ്യതകളും വ്യത്യാസങ്ങളും എന്തൊക്കെയാണെന്ന് ചിന്തിക്കാം.

പ്രശ്‌നം: കൊറോണ വൈറസ് അടിയന്തരാവസ്ഥ സൃഷ്ടിക്കുന്ന നിരന്തരമായ ഉത്കണ്ഠ നമ്മുടെ ദൈനംദിന പ്രവർത്തനങ്ങൾ നിർത്തിവയ്ക്കുന്നതിലേക്ക് നയിക്കുകയും നമ്മുടെ ലക്ഷ്യങ്ങളും അഭിലാഷങ്ങളും കാണാതിരിക്കാൻ ഇടയാക്കുകയും ചെയ്യുന്നു.

ലക്ഷ്യം: ക്വാറന്റൈന് ശേഷം നിങ്ങൾ നേടാൻ ആഗ്രഹിക്കുന്ന മൂന്ന് വ്യക്തമായ ലക്ഷ്യങ്ങളും രണ്ട് സ്വപ്നങ്ങളും / അഭിലാഷങ്ങളും ഒരു കടലാസ്സിൽ എഴുതി വെക്കുക. തുടർന്ന് ഇനിപ്പറയുന്ന പോയിന്റുകൾ ചർച്ച ചെയ്യുക: അവ നിങ്ങൾക്ക് എന്തുകൊണ്ട് പ്രധാനമായിരുന്നു? അവയിലേക്ക് എത്തിച്ചേരുന്നതിൽ നിന്ന് നിങ്ങളെ  തടഞ്ഞുവെക്കുന്നത് എന്തൊക്കെയാണ്? അവയിലേക്ക് എത്തിച്ചേരാൻ നിങ്ങൾക്കിപ്പോൾ എന്തെല്ലാം ചെയ്യാൻ സാധിക്കും? 

സാമൂഹ്യാനുഭവം: നിങ്ങളുടെ പങ്കാളിയുമായി ഇവ ചർച്ച ചെയ്യാം. നിങ്ങൾക്കിടയിലുള്ള സാമ്യതകളും വ്യത്യാസങ്ങളും എന്തൊക്കെയാണെന്ന് ആലോചിക്കാം.

പ്രശ്‌നം:  കൊറോണ വൈറസ്, ഒരുപാട് പുതിയ സാഹചര്യങ്ങളെ നേരിടാൻ നമ്മെ നിർബന്ധിതരാക്കി- ക്വാറന്റൈനും, കുട്ടികളുമായും പങ്കാളിയുമായും അടുത്ത സഹവർത്തിത്വവും, ബന്ധങ്ങളുടെ അഭാവവും, അങ്ങനെയങ്ങനെ.

ലക്ഷ്യം: നിങ്ങളുടെ ജീവിതം മെച്ചപ്പെടുത്താൻ ഈ കാലയളവ് നിങ്ങൾക്ക് ഉപയോഗിക്കാം. നിങ്ങളുടെ ജീവിതത്തിൽ നിങ്ങൾ അസംതൃപ്തരായ മൂന്ന് കാര്യങ്ങൾ കുറിച്ച് വെച്ച് കൊണ്ട് ആരംഭിക്കാം. ഒരു കടലാസിൽ ഇവയ്ക്കുള്ള പരിഹാരങ്ങൾ, അവയുടെ വിജയസാധ്യതയുടെ അടിസ്ഥാനത്തിൽ ക്രമപ്പെടുത്തി എഴുതാം. രണ്ടാമതൊരു കടലാസിൽ നേരിട്ടേക്കാവുന്ന പ്രശ്നങ്ങളും അവയുടെ സ്വധീനത്തെ കുറിച്ചും വിവരിക്കാം. മൂന്നാമത്തെ കടലാസിൽ, നിങ്ങളുടെ പക്കലില്ലാത്ത, എന്നാൽ നിങ്ങൾക്ക് സഹായകരമായേക്കാവുന്ന, അറിവുകളെയും ഉപകാരണങ്ങളെയും പ്രസ്‌താവിക്കുക. 

സാമൂഹ്യാനുഭവം: ഒടുവിൽ, പ്രശ്നങ്ങൾ കുറിച്ച് വെച്ചിരുന്ന കടലാസ് കീറി കളയുക. നിങ്ങളുടെ പങ്കാളിയുടെ സഹായത്തോടെ, മറ്റു രണ്ട ഷീറ്റുകൾ ഉപയോഗപ്പെടുത്തി പ്രശ്നപരിഹാരത്തെ കുറിച്ച് ചിന്തിക്കാം.